Deputatlığa namizəd Göydəniz Qəhrəmanov seçicilərlə görüşlərini davam etdirir - FOTOLAR
Yasamal rayonu 17 saylı üçüncü seçki dairəsindən deputatlığa namizəd olan Göydəniz Qəhrəmanov seçicilərlə seçkiqabağı təbliğat-təşviqat kampaniyasını davam etdirərək növbəti görüşünü keçirib.
Sfera.az xəbər verir ki, bitərəf namizəd olan G.Qəhrəmanovun keçirdiyi görüşdə ilk öncə əvvəlki görüşlərdə olduğu kimi 44 günlük Vətən müharibəsi dövründə ölkəmizin müstəqilliyi, suverenliyi və ərazi bütövlüyü uğrunda canlarını qurban verən qəhrəman şəhidlərimizin əziz xatirəsi bir dəqiqəlik sükutla yad edilib.
Görüş zamanı seçicilərə özü haqqında məlumat verən G.Qəhrəmanov çalışdığı sahələrdəki fəaliyyəti və həmin sahələrdə əldə etdiyi uğurlar haqqında danışıb: “Seçki platformamda yer alan istiqamətlər və məqsədlərim haqqında geniş məlumat verdim. Eyni zamanda seçicilərimi narahat edən aktual məsələləri müzakirə etdik, fikirlərini dinlədim və suallarını cavablandırdım.
Görüşdə iştirak edən Yasamal rayonu Ağsaqqallar Şurasının üzvü Vaqif Nəsirov və İqtisad Universitetinin dosenti, həmçinin şəhid ailəsi üzvü Kifayət Xudaverdiyeva öz müraciətində sakinləri qarşıdan gələn parlament seçkilərində fəal iştirak etməyə, səslərini layiqli namizədə verməyə çağırdılar”.
Qeyd edək ki, G.Qəhrəmanov "SPEKTR LLC" MMC-nin direktorudur.
Altay
