Çinin cənubundakı Quançjou bölgəsində zooparkın tikintisi üçün ayrılmış ərazidə təxminən 148 qədim məzarın olduğu 2100 illik qəbiristanlıq aşkar edilib.

Sfera.az xəbər verir ki, bu barədə Çinxua agentliyi məlumat yayıb. Qədim ərazinin ümumi sahəsi 1300 kvadratmetrdir. Həmin ərazidə arxeoloji qazıntılar aparılır.

Ərazidə Xan sülaləsi dövrünə aid dörd türbə, 265-589-cu illəri əhatə edən Qin və Cənubi sülalələrə aid səkkiz məzar, 618-907-ci illər Tanq sülaləsinə aid on beş türbə, Min və Qing sülalələrinə aid 121 məzar aşkar edilib.


Qəbiristanlıqdan ümumilikdə 196 artefakt, o cümlədən keramika, terakota, tunc məmulatlar və muncuqlar tapılıb. Aşkar edilmiş qəbirlərin bəlkə də ən qiymətlisi Şərqi Tsin sülaləsinə (317-420) və Cənubi sülaləsinə (420-589) aid yaxşı qorunub saxlanılan qəbirlərdir. Qəbiristanlıqdakı qəbirlərin müxtəlif dövrlərə aid olması xüsusi diqqət çəkib. Tədqiqatlar nəticəsində məlum olub ki, ərazi qəbiristanlıq kimi yaxşı planlaşdırılıb və yaxşı təşkil olunub. Bu arxeoloji kəşf Quançjouda mövcud olan müxtəlif dövrlərdə istifadə edilən dəfn mərasimlərini daha yaxşı başa düşməyə kömək edə bilər.

İnci
Sfera.az