Ukrayna Ali Radasının deputatı Yaroslav Jeleznyak bildirib ki, Qərb Ukraynanın 2025-ci il üçün tələb etdiyi maliyyə yardımının həcminin yalnız yarısını təsdiqləyib. 

Sfera.az xəbər verir ki, bu barədə o, RBC-Ukrayna nəşrinə məlumat verib.

Deputat qeyd edib ki, Qərb indiyədək Kiyevin 2025-ci il üçün tələb etdiyi 32 milyard dollardan yalnız 16 milyard dolların ayrılmasını təsdiqləyib .

"İndiyə qədər vədlər eşitmişik, lakin bunun necə işləyəcəyinə hələ qərar verilməyib", - o vurğulayıb. 

Bundan əvvəl Ukrayna Prezidenti Volodimir Zelenski yenidən Qərb ölkələrindən Kiyevə silah tədarükünü sürətləndirməyi xahiş edib. O qeyd edib ki , ABŞ, Böyük Britaniya və Fransaya “xüsusilə müraciət edir”. Eyni zamanda, Rusiya tərəfi bəyan edib ki, Qərbin Kiyevə silah göndərməsi və Ukrayna Silahlı Qüvvələrinin əsgərlərinin təliminə yardım etməsi yalnız münaqişəni uzadır və döyüş meydanında vəziyyəti dəyişmir.

İnci

Sfera.az