Göyçayda QƏTL: 17 yaşlı gənc SAXLANILDI
Göyçayda cinayət hadisəsi qeydə alınıb.
Bu barədə Sfera.az-a Göyçay rayon prokurorluğundan məlumat verilib.
Qeyd olunub ki, hadisə avqustun 15-də saat 04 radələrində baş verib:
“Göyçay rayonu ərazisində 1998-ci il təvəllüdlü Hüseyn Feyzullayevin öldürülməsi barədə rayon prokurorluğuna məlumat daxil olub. Araşdırmalarla 2007-ci il təvəllüdlü Səid Bayramlının aralarında yaranmış mübahisə zamanı kəsici-deşici alətlə çoxsaylı xəsarətlər yetirərək Hüseyn Feyzullayevi qəsdən öldürməsinə əsaslı şübhələr müəyyən edilib”.
Prokurorluğun məlumatına görə, faktla bağlı Göyçay rayon prokurorluğunda Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanaraq ibtidai istintaq aparılır. Səid Bayramlı iş üzrə şübhəli şəxs qismində tutulub.
Günay
