Qəhvə yoxsa çay? - Bunlardan biri beyinə mənfi təsir göstərir...

"Murdoch" Universitetinin (Avstriya) alimləri müəyyən ediblər ki, gündə üç stəkandan çox qəhvə içmək yaşla idrak qabiliyyətinin sürətlə azalmasına səbəb ola bilər.
 

Sfera.az xəbər verir ki, bu barədə “Daily Mail” Alzheimer Assosiasiyasının Beynəlxalq Konfransının (AAIC 2024) saytına istinadən məlumat yayıb.
 

Tədqiqatçılar qəhvə və çay içməyin 60 yaşdan yuxarı insanların zehni qabiliyyətlərinə necə təsir etdiyini öyrənməyə çalışıblar. Bunun üçün alimlər bir neçə min Böyük Britaniya sakinini iştiraka dəvət ediblər və onlardan bu iki növ tonik içkidən nə qədər tez-tez istifadə etdiklərini söyləmələrini istəyiblər.
 

Respondentlərin yarıdan çoxu gündə bir-üç fincan qəhvə içdiyini bildirib. Sorğuda iştirak edənlərin dörddə biri ümumiyyətlə qəhvə içməyib, 18 faizi isə gündəlik dörd və ya daha çox fincan içdiklərini bildirib. Tədqiqat iştirakçılarının 47%-i də gündə dörd və ya daha çox fincan çay içdiyini bildirib. Digər 38% özlərini bir-üç stəkanla məhdudlaşdırıb və subyektlərin 15% -i çay içmədiyini deyib.
 

Alimlər lazımi məlumatları topladıqdan sonra xüsusi testlərdən istifadə edərək subyektlərin koqnitiv qabiliyyətlərini qiymətləndirib və onların monitorinqinə başlayıblar. 10 ildən sonra iştirakçıların zehni bacarıqları haqqında məlumatlar yenilənib.
 

Tədqiqat göstərib ki, gündə üç fincandan çox qəhvə içən insanlar yaşlandıqca koqnitiv geriləmənin daha yüksək riskinə malikdirlər. Bu qrup fərdlər ümumiyyətlə qəhvə içməyənlər və gündə bir-üç stəkanla məhdudlaşanlarla müqayisədə yaddaş, düşünmə və qərar vermə ilə bağlı problemlər yaşamağa daha çox meyllidirlər.
 

Alimlər həmçinin qeyd ediblər ki, çay içmək, əksinə, potensial qoruyucu təsir göstərir. Müntəzəm olaraq çay içən könüllülərdə zehni funksiyaların pisləşməsi prosesi ləngiyib.

İnci
Sfera.az