Azərbaycan əhalisi qocalır - Son 30 ildəki dəyişiklik

Son 30 ildə (1994-2003) Azərbaycan əhalisinin yaş qrupları üzrə xüsusi çəkisində dəyişiklik müşahidə edilir. Dəyişikliyin dinamikası göstərir ki, Azərbaycan əhalisi qocalır və yaşı 60-dan yuxarı olan vətəndaşların sayı sürətlə artır. 

Sfera.az rəsmi statistik məlumatlara istinadən xəbər verir ki, 1994-cü ildə yaşı 60 və daha yuxarı olanların payı 8,8 faiz idi. Ötən ilin sonunda onların xüsusi çəkisi 14,9 faizə yüksəlib. 

Müqayisədən görünür ki, otuzillik dövrdə Azərbaycanda yaşlı insanların ümumi əhali sayında payı 69 faizdən çox artıb. 

Dəyişiklik özünü ahıl insanlar (yaşı 70 və daha yuxarı) qrupunda da göstərir. Belə ki, 30 il əvvəl əhalinin 3 faizi ahıl idisə, hazırda insanların 5 faizi ahıl yaşdadır. 
Proqnozlara görə, yaşlı insanların sayının artması qarşıdakı illərdə də davam edəcək. Xüsusən pensiya yaşında olan insanların sayında daha çox artım olacaq. Bu artım dövlətin pensiya xərclərini də artıracaq. 

Vasif