Dünyanın ən bahalı şəhərləri bəlli olub - Bakı neçəncidir?

İsveçrən Cenevrə şəhəri bu ilin ən bahalı şəhəri kimi tanınıb.
 

Sfera.az bildirir ki, dünyanın ən bahalı şəhərləri siyahısına 218 şəhər daxil edilib. Dörd nəfərlik bir ailə üçün tələb olunan xərclər başlanğıc nöqtəsi kimi götürülərək, bu şəhərlərdə yaşayış xərclərinə təsir edən bir çox amillər nəzərə alınır.

Reytinqdə "yaşayış dəyəri indeksi" əsas yer tutub. O, istehlak mallarının qiymətlərini, o cümlədən qida, restoran xidmətləri, nəqliyyat, kommunal ödənişləri əks etdirib. Maraqlıdır ki, bu xərclərə yaşayış sahəsinin kirayəsi və ya ipoteka daxil deyil. Cenevrə bu siyahıda 101,7 bal toplayıb. Sürix 100,4 xalla ikinci yerdə dayanıb. Üçüncü yerdə Nyu York qərarlaşıb. Sonra San Fransisko və Boston gəlir. Ən bahalı şəhərlər siyahısına Reykyavik, Vaşinqton, Çikaqo, Los Anceles də daxildir. Ən büdcəli şəhərlər Karaçi, Lahor, Kolkatadır.

Həmin siyahıda Bakı 171-ci yerdədir.

İnci
Sfera.az