İran prezidenti İsraillə bağlı Xameneidən bunu xahiş etdi, ali dini lider isə... - TƏFƏRRÜAT

İranın yeni seçilmiş Prezidenti Məsud Pezeşkian İranın ali dini lideri Ayətullah Əli Xameneidən İsraillə bağlı xahiş edib. 

Sfera.az xəbər verir ki, ölkənin yerli media orqanı olan “İran İnternational” öz mənbələrinə istinadən bu haqda yazıb. 

Media orqanının iddiasına görə, Pezeşkian Xameneidən raket zərbəsinə təmkinlə reaksiya verməsini və İsraillə müharibənin qarşısını almasını istəyib.

“Prezident Pezeşkian Xamenei ilə bu yaxınlarda keçirdiyi görüşdə gərginliyi arzuolunmaz müharibəyə çevirməmək üçün İranın İsrailə hər hansı birbaşa hücumunun qarşısını almağı xahiş edib”, - materialda deyilir. 

Mənbələrin bildirdiyinə görə, Pezeşkian İsraillə genişmiqyaslı münaqişə səbəbindən ölkə və milli iqtisadiyyatın üzləşə biləcəyi potensial problemlərdən qorxur. Ciddi xəbərdarlıqlara baxmayaraq, Xamenei heç bir vəd verməyib. Mənbələr bildiriblər ki, o, Pezeşkianın narahatlığını nə dəstəkləyib, nə də ona qarşı çıxıb. 

Bundan əvvəl İran Macarıstan vasitəsilə İsrailə zərbə endirmək niyyəti barədə xəbərdarlıq etmişdi. Macarıstanın xarici işlər naziri Peter Siyarto İran tərəfinin mesajını İsrailin xarici işlər naziri İsrael Katsa çatdırıb.

Vasif