Tramp Harrisə məğlub olur - Sorğu NƏTİCƏLƏRİ
ABŞ-də prezident seçkiləri yaxınlaşdıqca keçirilən sorğuların nəticələri daha maraqla izlənilir.
Sfera.az xarici mediaya istinadən xəbər verir ki, keçirilən son sorğuların əksəriyyətində Harrisin irəlidə olduğu görünür.
"NPR/PBS News/Marist" sorğusuna əsasən, respublikaçı namizəd, keçmiş prezident Donald Trampa dəstək 48 faiz olduğu halda, Harrisə dəstək 51 faizə yüksəlib.Ekspertlər təşviqat kampaniyası dövründə sorğuların nəticələrinin dəyişə biləcəyini istisna etmir. Siyasi analitiklər Harrisin daha böyük dəstək qazanmasını mümkün hesab edirlər. Dünən Kamala Harris vitse-prezidentliyə namizədini seçib və seçkinin taleyini müəyyən edəcək ştatlarda kampaniyaya başlayıb. Filadelfiyada keçirilən mitinqdə vitse-prezidentliyə namizəd, Minnesota qubernatoru Tim Valz ilə seçicilər qarşısına çıxan Harris təqviminə Viskonsin, Miçiqan, Arizona və Nevada kimi kritik ştatlarda keçiriləcək mitinqlərlə davam edəcək. Bu mitinqlərlə Harris, Demokratlar daxilində mütərəqqi qanad tərəfindən sevilən, lakin ölkə daxilində ictimaiyyət tərəfindən “qapalı qutu” kimi görünən Valzı tanıtmağı hədəfləyir.
Vasif
