Azərbaycanı Hindistandan narazı salan SƏBƏB: "Korrektə edin!"
“Hindistanla Çin siyasi və hərbi müstəvidə rəqib olmaqla yanaşı, iqtisadi zəmində də bir-biri ilə yarışırlar”.
Sfera.az bildirir ki, bu barədə “Atlas” Araşdırmalar Mərkəzinin məlumatında qeyd olunub.
Bildirilib ki, bir qrup ekspertin fikrincə, Hindistan illik 8 faizlik artım tempini qoruyarsa, 2047-ci ilə qədər 55 trilyon dollarlıq iqtisadiyyata çevrilə bilər:
“Hindistanın 2023-cü ildə ümumi daxili məhsulu 3,28 trilyon olub. Proqnozlara görə, 2047-ci ildə Hindistanı qabaqlayan sadəcə iki iqtisadiyyat - ABŞ və Çin olacaq. Hindistanın adambaşına düşən gəlirinin 40 min ABŞ dolları olacağı proqnozlaşdırılıb. Hindistan Çin qədər xarici ölkələrə yatırım qoymasa da, müxtəlif ölkələrdə ortaq layihələr reallaşdırır”.
Məlumata görə, Hindistanın tanınmış dərman şirkətlərindən biri Ələt iqtisadi zonasında da birgə müəssisə inşa etməyi planlaşdırır:
“Azərbaycanla Hindistan arasında ticarət əlaqələri genişlənsə də, rəsmi Bakı Dehlinin Ermənistana hərbi texnika satmasından narazıdır. Dehli bunu dünya silah bazarında yerini möhkəmlətməklə və başqa dövlətlərlə rəqabətdə geri qalmamaqla izah edir. Amma rəsmi Bakı Dehlinin bu siyasətini korrektə istəməsini istəyir”.
Günay
