Banqladeşdə etirazlar başladı: Lüks oteli yandırdılar, çoxlu itkilər var - VİDEO

Bu gün Banqladeşdə etirazlar başlayıb.

Sfera.az xəbər verir ki, etirazlar zamanı naməlum şəxslərin Cessore şəhərində beşulduzlu oteli yandırması nəticəsində azı 24 nəfər ölüb, 150-yə yaxın adam yaralanıb. Yandırılan “Zabeer İnternational Hotel”in sahibi hakim “Avami Liqası” partiyasının baş katibi Şahin Çakladardıri.

Etirazların başlamasından sonra ölkədən qaçan baş nazir Şeyx Hasina Vazed də hakim partiyadandır.


Komissar müavini Əbrarul İslam yanğın xəbərini təsdiqləyib. Yerli mətbuatın məlumatına görə, minlərlə insan Banqladeşin baş naziri Şeyx Hasinanın istefasını şəhərin müxtəlif yerlərində qeyd edib. Bayram şənliyi zamanı otel gecə saat 4 radələrində yandırılıb. İnsanların çoxu tüstüdən boğularaq ölüb.


Ölənlər arasında İndoneziya vətəndaşı da var. Otelin üçüncü mərtəbəsindəki barda bir neçə meyit tapılıb.

Yerli xəstəxananın həkimi yanğın nəticəsində xəstəxanaya 150-dən çox xəstənin daxil olduğunu bildirib.
 

Bundan əlavə, “Avami Liqası” Partiyasının rayon ofisi və üç partiya liderinin Şarşa və Benapol bölgələrindəki evləri hücuma məruz qalıb.

Aysel

Sfera.az