Bu pəhriz insanı gəncləşdirir - Alimlərdən yeni ARAŞDIRMA

İki ay ərzində vegetarian pəhrizə riayət etmək bioloji yaşı geri qaytara bilər.


Sfera.az xəbər verir ki, hüceyrələrin funksiyasının azalmasını ifadə edən bioloji yaş, xronoloji yaşdan fərqli olaraq tərsinə çevrilə bilər. Bioloji yaşı hesablamaq üçün qəti bir üsul olmasa da, alimlər DNT-dəki bəzi dəyişiklikləri araşdıraraq hüceyrələrin qocalmasını qiymətləndirirlər.
 

ABŞ-nin Stanford Universitetinin tədqiqatçıları yeni bir araşdırmada qısamüddətli vegan pəhrizin bioloji yaşa necə təsir etdiyini araşdırıblar.
 

Ət, yumurta, süd və süd məhsulları kimi heyvan mənşəli qidaların istehlak edilmədiyi bir vegan pəhriz getdikcə genişlənsə də, bu həyat tərzinin sağlamlığa təsiri ilə bağlı araşdırmalar da artır.
 

"BMC Medicine" jurnalında dərc edilən araşdırmada orta yaşları 40 olan 21 əkiz bacı 8 həftə ərzində izlənilib.
 

Bu müddət ərzində əkizlərdən biri vegan olsa da, digəri hər şeyi yeyirdi. İştirakçılar tədqiqatın ilk yarısında onlar üçün hazırlanmış yeməkləri istehlak ediblər və son 4 həftədə öz yeməklərini hazırlayıblar.
 

Tədqiqatçılar həm qan testləri aparmaq, həm də DNT metilasiyasını ölçməklə bu pəhrizlərin təsirini təhlil ediblər.
 

DNT metilasiyası, kimyəvi dəyişiklik, DNT və ya zülallara metil qrupu kimi tanınan məlum molekul əlavə etməklə gen ifadəsini bloklamaq və ya təsir göstərmə prosesinə aiddir.
 

Tədqiqatın əvvəlində əkizlərin dəyərləri yaxın olsa da, 8 həftədən sonra vegan pəhriz saxlayanların bioloji yaşının orta hesabla 0,63 il, yəni təxminən 7,5 ay azaldığı qeyd edilib. Bəzi iştirakçılarda, demək olar ki, bir il geriləmə aşkar edilib.

Bundan əlavə, vegan pəhriz ürək, hormon, qaraciyər, iltihab və metabolik sistemlər də daxil olmaqla müxtəlif sistemlərin yaşının azalması ilə əlaqələndirilib.

İnci
Sfera.az