“Instagram” istifadəçilərinin sayı 600 milyonu ötdü
12:36 / 16.12.2016
758
"Instagram” sosial şəbəkəsinin ay ərzindəki aktiv istifadəçilərinin sayı 600 milyonu ötüb.
İKT.lent.az-ın xəbərinə görə, bu barədə sosial şəbəkədən açıqlama verilib.
Bu ilin iyununda "Instagram” komandası yarım milyard istifadəçi həddini keçdiklərini elan etmişdi. Son 6 ayda şəbəkəyə daha 100 milyon insan qoşulub. Bu, "Instagram” yaranandan bəri ən sürətli artımdır.
Ötən müddətdə birbaşa yayım, "Instagram Stories” kimi yeni funksiyalar istifadəyə verilib.
Qeyd edək ki, son iki ildə "Instagram"da istifadəçilərin sayı iki dəfə artıb.
