Zimbabvenin 92 yaşlı lideri yenidən prezident olmaq istəyir
Siyasət
23:51 / 15.12.2016
1767
Zimbabvenin 92 yaşlı lideri yenidən prezident olmaq istəyir
Zimbabvenin hakim partiyası ölkə lideri Robert Muqabenin növbəti dəfə prezident seçilməsini istəyir.
«Associated Press»in məlumatına görə, 92 yaşlı Muqabenin namizədliyi artıq irəli sürülüb.
Zimbabvedə növbəti prezident seçkiləri 2018-ci ildə keçiriləcək.
Hakim partiyanın icraçı katibi İqnatius Çombo Muqabenin idarəçiliyini müdriklik və birliyin nümunəsi kimi qiymətləndirib.
Muqabe Zimbabveni 80-ci ildən idarə edir. Bu vaxta qədər keçirilən seçkilərdə pozuntular və müxalifətin etirazları olsa da, Muqabenin qələbəsi hər dəfə rəsmiləşib.
Muqabe özü dəfələrlə bəyan edib ki, ölkəni ölənə qədər idarə etməyə hazırdır. O, yalnız partiyanın qərarı olacağı təqdirdə, istefaya gedə biləcəyini deyib.
Zimbabve dünyanın yoxsul ölkələrindən biridir. Ölkə ağır iqtisadi böhran yaşayır.
Muqabe ölkədə diktatura rejimi qurmaqda və müxalifətə qarşı repressiyalarda ittiham edilir.
