Bodibilder sağlamlığını qələbələr xətrinə qurban verdi
ABŞ bodibilderi Ronnie Coleman omba, kürək və boyun nahiyəsindəki xroniki ağrılardan müalicə olunduqdan sonra uzun müddət əlil arabasına məhkum olub.
Sfera.az bildirir ki, Ronnienin illər ərzində etdiyi ciddi məşqlər onun bədəninə böyük zərbə vurub.
Uğurlu karyerası ərzində Ronnie Coleman ardıcıl səkkiz dəfə nüfuzlu cənab Olimpiya titulunu qazanıb və həmçinin 26 IFBB peşəkar titulunu alıb. Karyerasının zirvəsində idmançının bədəni və gücünü artıq “qeyri-insani” “fövqəlbəşər” adlandırırdılar. Ronnie qeyri-adi güc əldə etmək üçün bədənini istifadə edirdi. Amma o, şiddətli ağrıların öhdəsindən gəlmək üçün aldığı uzunmüddətli müalicədən danışıb. Uğurlu karyerası ərzində o, ardıcıl səkkiz dəfə nüfuzlu Cənab “Olympia” titulunu, həmçinin 26 IFBB peşəkar titulunu qazanıb.
O, indi əlil arabasından istifadə edir.
Ronnienin illər boyu ciddi məşq etməsi onun bədəninə öz təsirini göstərib. Nəhayət, 2007-ci ildə təqaüdə çıxan 61 yaşlı Ronnie xroniki omba və bel zədələrindən əziyyət çəkib və güclə yeriyə bilib. Ronnienin səhhəti ilk dəfə 1996-cı ildə çömbəlmək zamanı diskini yerindən çıxardıqdan sonra pisləşməyə başlayıb. Yarışlara davam edərkən təxminən on il ərzində zədəyə məhəl qoymamaqla böyük səhv edib və yalnız 2007-ci ildə təqaüdə çıxdıqdan sonra yırtıq diski çıxarmaq üçün əməliyyat keçirməyə qərar verib.
O vaxtdan bəri, Ronnie boynunda, ombasında və kürəyində 13 əməliyyat üçün milyonlarla dollar xərcləyib. Əməliyyatlardan sonra qalan vintlər və boltlar keçmiş idmançının hərəkətliliyini ciddi şəkildə məhdudlaşdırıb. O hələ də ayaq üstə dayana bilir, əlil arabasından istifadə edir.
Ronni deyir ki, ağrısını nəzarətdə saxlamaq üçün iki ildən çox kök hüceyrə müalicəsindən keçib. Kök hüceyrə iynələri üçün hər dörd aydan bir Meksikaya gedib və bunun ona çox kömək etdiyini bildirib. Onun sözlərinə görə, bu müalicə bəzən kəskin ağrıya səbəb olub və bu səbəbdən bir neçə gün yata bilməyib. Bunun öhdəsindən gəlmək üçün o, hiperbarik kamerada seanslardan keçib.
Qeyd edək ki, Hiperbarik oksigen terapiyası təzyiqli bir mühitdə təmiz oksigenin tənəffüs edilməsini əhatə edir. Ronnie deyir ki, bu prosedur ona kök hüceyrə müalicəsi nəticəsində yaranan ağrılardan daha tez sağalmağa imkan verir.
Aynil
Sfera.az
