Üç min tələbə məzun olmadan işlə təmin edildi - RƏSMİ

Ötən tədris ilində peşə təhsili müəssisələrindən məzun olan tələbələrdən 20%-i məzun olmadan işlə təmin edilib.

Sfera.az xəbər verir ki, bunu Peşə Təhsili üzrə Dövlət Agentliyinin direktoru Ceyhun Kərəmov bu gün keçirilən brifinqdə deyib.

O qeyd edib ki, bu il məzun olan 13 minə yaxın tələbənin təxminən 3 mini məzun olmamış işlə təmin edilib:

"Məzun olduqdan sonrakı 6 ayı da izləyirik. Peşə təhsilində 70 faizi oğlanlar təşkil edir. Onların əksəriyyəti təhsilini tamamladıqdan sonra həqiqi hərbi xidmətə yollanırlar. Dual peşədə işə düzəlmə faizləri daha yüksəkdir. Burada statistika 30 faizə yaxındır".

Firuzə Əliyeva