Dubay şahzadəsi qızı dünyaya gəldikdən iki ay sonra həyat yoldaşını tərk etdi - FOTOLAR
![Dubay şahzadəsi qızı dünyaya gəldikdən iki ay sonra həyat yoldaşını tərk etdi - FOTOLAR](https://sfera.az/photo/orginal/2024/07/19/1721333741_za1.jpg)
Dubay şahzadəsi ilk övladının doğulmasından iki ay sonra ərini tərk etdiyi barədə paylaşım edərək BƏƏ-ni şoka salıb.
Sfera.az bildirir ki, Dubay hökmdarının 30 yaşlı qızı Şeyxa Mahra bint Mohammed bin Rashid Al Maktumun rəsmi hesabında əri Məhəmməd bin Rəşid bin Mana Al Maktumdan gözlənilən boşanma xəbəri dərc edilib.
Paylaşımda: "Əziz ərim, başqa yoldaşlarla məşğul olduğun üçün boşandığımızı elan edirəm. Sizdən boşanıram (3 dəfə). Özünə yaxşı bax. Keçmiş həyat yoldaşın"-yazılıb.
Qeyd edək ki, Şeyxa Mahra bir ildən artıqdır ki, Məhəmməd bin Rəşidlə evlidir.
Artıq cütlük sosial mediada bir-birini təqib etməyi dayandırıb və birlikdə göründükləri paylaşımları hesablarından siliblər. Onlar rəsmi olaraq 2023-cü ilin may ayında evləniblər və bu ilin mayında bir qız övladları dünyaya gəlib.
Dubayı idarə edən və Şeyxa Mahranın gəldiyi kral ailəsi Maktum Evindən isə rəsmi açıqlama verilməyib. Sosial şəbəkələrdə bir çoxları şahzadənin hesabının sındırılmış ola biləcəyini irəli sürüblər. Bir sosial şəbəkə istifadəçisi:
“Bir qadının öz dəyərini dərk etməsini və inamla özünü müdafiə etməsini görmək mənə ilham verir" - yazıb.
Digəri: "Bu, həyatınızda yeni bir fəslin başlanğıcı deyil. Bu, yeni bir kitabın başlanğıcıdır. Təbrik edirəm” - yazıb.
Jurnalistlərin fikrincə, keçmiş cütlük qarşılıqlı razılıq olarsa, cəmi bir ay ərzində boşana bilər.
Aynil
Sfera.az