Zarat stansiyasında qatarların hərəkəti tam təmin olundu
![Zarat stansiyasında qatarların hərəkəti tam təmin olundu](https://sfera.az/photo/orginal/2024/07/17/1721197726_be3f4a59-25df-3d0c-a3c0-128376e32c40_850.jpg)
Cəmiyyət
10:08 / 17.07.2024
6463
İyulun 16-da səhər saatlarında Siyəzən rayonunun Zarat stansiyasında hərəkətdə olarkən relsdən çıxmış Rusiya özəl şirkətlərinə məxsus 3 vaqon dünən saat 22 radələrində rels üzərinə qaldırılıb və həmin istiqamətdə qatarların hərəkəti normal qrafik üzrə tam təmin olunub.
Sfera.az bu barədə "Azərbaycan Dəmir Yolları" QSC-yə (ADY) istinadən xəbər verir.
Məlumata görə, səhmdar cəmiyyətinin infrastruktur və hərəkətin təhlükəsizliyi departamentlərinin birgə operativ fəaliyyəti nəticəsində sözügedən sahədə yol təsərrüfatında müvafiq tənzimləmə işləri görülüb, yük vaqonlarının təyinatı üzrə yola salınması üçün hazırlıq işləri tamamlanıb.