Yeni islahatlardan sonra rahiblər kütləvi şəkildə Şaolini tərk edirlər

Məşhur Buddist Şaolin monastırına yeni abbat təyin edilib. 59 yaşlı Şi Yinqle vəzifəyə gəldikdən sonra bir neçə irimiqyaslı islahatların həyata keçirildiyini elan edib. 

Sfera.az bildirir ki, məşhur məbəddə yeni abbatın tətbiq etdiyi sərt rejim rahiblərin cib telefonlarına sərf etdiyi vaxtı məhdudlaşdırır, ciddi pəhriz və uzun iş saatları təyin edir.

Abbat rahiblərə camaat üçün kommersiya əyləncəsi göstərməyi qadağan edib, ritualların qiymətlərini aşağı salıb, bəzi xidmətlər üçün ödənişlərdən imtina edib. Bir vaxtlar əsas gəlir mənbəyi olan məbədi və onlayn mağazaları bağladıb. O, həmçinin monastırın əkinçiliklə özünü qida ilə təmin etməsində israrlıdır. 

Şi Yingle bəzi rahiblərin ruhani yoldan çıxmasından, düzgün məşq etməməsindən və düzgün işləməməsindən narahatlığını ifadə edib. O, rahiblərin meditasiya otaqlarında yemək sifariş etdiyini və ya mahnı oxuyarkən qulaqlıqda pop musiqi dinlədiyini bildirib. Beləliklə, üç ay ardıcıl olaraq xüsusi qiymətləndirmədən keçə bilməyən rahiblərin monastırı tərk etmək məcburiyyətində qalacağı bir sistem tətbiq edilib.

Yeni qaydalar həm də məbədə misli görünməmiş bir nizam-intizam tətbiq edib. Artıq rahiblər səhər saat 4:30-da namaz qılmalı, sonra əkinçiliklə məşğul olmalı və günortadan sonra Zen döyüş sənətləri ilə məşğul olmalıdırlar.

Məbəddə istənilən əyləncə qadağandır, mobil telefondan istifadə 30 dəqiqə ilə məhdudlaşır və qida rasionu indi əsasən tərəvəzlərdən ibarətdir. Hətta tofunun indi rahiblər tərəfindən həftədə yalnız bir dəfə yeyilməsinə icazə verilir.

İslahatların artıq istefalar dalğasına səbəb olduğu bildirilir. Yeni abbatın təyin olunmasından bir həftə ərzində artıq 30-dan çox rahib məbədi tərk edib.

Aysel