İstanbula uçan təyyarə texniki səbəblərə görə geri qayıtdı
![İstanbula uçan təyyarə texniki səbəblərə görə geri qayıtdı](https://sfera.az/photo/orginal/2024/07/10/1720616902_e01fe06c-51f2-3e5d-b996-c0b1106b1ccf_850-1.jpg)
Hadisə
17:08 / 10.07.2024
28426
“Azərbaycan Hava Yolları” QSC (AZAL) aviaşirkətinin J2-075 nömrəli Bakı-İstanbul reysini yerinə yetirən təyyarəsinin kapitanı texniki səbəblərə görə (kondisioner sistemində yaranmış problem) uçuş hava limanına qayıtmaq qərarına gəlib.
Sfera.az AZAL-a istinadən xəbər verir ki, təyyarə 16:04-də Heydər Əliyev Beynəlxalq Aeroportunda uğurla eniş edib.
Məlumata görə, sözügedən reysin sərnişinləri başqa təyyarə ilə İstanbula yola düşəcəklər: "Əlavə suallar yaranarsa, sərnişinlər [email protected] elektron poçt ünvanı vasitəsilə çağrı mərkəzinə müraciət edə bilərlər. AZAL yaranmış narahatlığa görə reysin sərnişinlərindən üzr istəyir".