Cəlilabadın icra başçısı kimlərin yanındadır?
Cəmiyyət
12:55 / 13.12.2016
1055
Cəlilabadda aqrar sektor inkişaf etməkdədir. Postneft dövrünün başlanması bu bölgədə kənd təsərrüfatı sahələrinin fəaliyyətinə təkan verib
Politika.Az xəbər verir ki, rayonda gedən bu islahat və inkişafın təkanverici qüvvəsi isə icra başçısı Əziz Əzizovdur. Bu mənada Cəlilabadın icra başçısı prezident İlham Əliyevin yanında olduğunu bir daha nümayiş etdirib.
Ölkə başçısı tapşırıqlar verib ki, qeyri-neft sektoru, aqrar sahə inkişaf etməlidir, daxili istehsalat güclənməlidir, icra başçılarıl xarici investorlar cəlb etməlidir.
Son aylarda Ə.Əzizovun fəaliyyətində və prezidentin göstərişlərinə uyğun addımlarında sözügedən məsələlər prioritetdir. Bütün bunlar Cəlilabad rayon rəhbərinin ölkə prezidentinin yanında olduğunu göstərir.
Eyni zamanda 2014-2018-ci illərdə sosial-iqtisadi inkişafı Dövlət Proqramı”nda nəzərdə tutulan sənaye və kənd təsərrüfatının inkişaf etdirilməsi diqqətdə saxlanıb.
Həmçinin, tikinti-abadlıq işlərinin genişləndirilməsi, yeni iş yerlərinin açılması, elektrik enerjisi, qaz və su təchizatının yaxşılaşdırılması icra hakimiyyətinin əsas fəaliyyət istiqamətləridir.
Rayonda meliorasiya tədbirlərinin həyata keçirilməsi, təhsil, səhiyyə, mədəniyyət və idman müəssisələrinin əsaslı təmiri və tikintisinin davam etdirilməsi məsələləri daim diqqət mərkəzində saxlanır.
Həyata keçirilən məqsədyönlü tədbirlər nəticəsində rayon iqtisadiyyatının əsasını təşkil edən aqrar bölmədə uğurlu nəticələr əldə edilib. Belə ki, əlverişsiz hava şəraitinə baxmayaraq bitkiçilikdə yüksək məhsuldarlığa nail olunub.
Rayon üzrə 156,1 min ton buğda, 18,8 min ton arpa, 5,3 min ton vələmir, 3,3 min ton noxud və 586 ton mərci istehsal edilib. Həmçinin kənd əməkçiləri 102,2 min ton kartof, 1,2 min ton tərəvəz, 240 ton qarğıdalı, 294 ton bostan məhsulları istehsal ediblər.
Ölkə başçısının tapşırığına əsasən rayonda ənənəvi əkin sahəsi olan pambıqçılığın inkişaf etdirilməsi üçün ardıcıl iş aparılmış, dövlət, bələdiyyə və xüsusi mülkiyyətdə olan əlverişli torpaq sahələri müəyyənləşdirilmiş, sahələrin şumlanması, toxumla təchiz olunması və suvarılması üçün zəruri tədbirlər görülüb.
Cənab Prezidentin tapşırığına əsasən vətəndaşların azad sahibkarlıq hüquqlarının qorunmasına və sahibkarlara əlverişli şəraitin yaradılmasına xüsusi diqqət yetirilib. Sahibkarların mənafeyinin müdafiə edilməsinin nəticəsidir ki, 2016-cı ildə rayon icra hakimiyyətinin Apelyasiya Şurasına heç bir müraciət daxil olmayıb.
Politika.Az xəbər verir ki, Əziz Əzizov ölkə rəhbərliyinin göstəriş və tapşırıqlarını nümunəvi şəkildə yerinə yetirməsi isə Cəlilabadda inkişaf tendensiyasını daha da dönməz xarakter almasına səbəb olub.
Cəlilabadlılar Əziz Əzizovun başçılığı altında dövlətin qayğılı münasibətini daha dərindən hiss edərək, ölkə prezidentinin apardığı uğurlu siyasəti dəstəkləyirlər.
Cəlilabad rayonunun sosial-iqtisadi inkişaf planının düzgün və səmərəli həyata keçirilməsinin nəticəsindir ki, rayonda böyük abadlıq-quruculuq işləri geniş vüsət alıb.
Yerli əhəmiyyətli avtomobil yollarının təmiri, binaların müasir üslubda tikintisi və digər infrastruktur layihələrinin icrası sürətlə həyata keçirilib.
Rayonda bütün köhnə tikililər müasir və yeniləri ilə əvəz olunur. Şəhərin bütün ərazilərində tikintilər davam etdirilir və binalar müasir zövqlə inşa olunur.
Əhalinin elektrik enerjisi, rabitə, qaz və içməli su ilə təmini yüksək keyfiyyətlə həyata keçirilib. Bütün bunlar göstərir ki, Ə.Əzizov prezidentin və xalqın yanındadır.
