"Yeni prosesə başlaya bilərik" - Ərdoğandan Suriyaya "YAŞIL İŞIQ"
“Biz Suriya ilə yeni prosesə başlaya bilərik”.
Sfera.az bildirir ki, bunu Türkiyə Prezidenti Rəcəb Tayyib Ərdoğan deyib.
O, Rusiya və Suriya dövlət başçılarının Ankaraya dəvət oluna biləcəyini qeyd edib.
“Əgər Putin Türkiyəyə səfər edərsə, bu, yeni prosesin başlanğıcı ola bilər. Suriyada daimi nizamlanma mexanizmi yaradılmalıdır”, - Ərdoğan bildirib.
Onun sözlərinə görə, Suriyanın ayağa qalxması üçün qeyri-sabitliyə son qoyulması vacibdir. Türkiyə prezidenti vurğulayıb ki, terrorçular Türkiyə ilə Suriya hökuməti arasında əlaqələrin bərpasından narahatdırlar: “PKK/PYD/YPG, İŞİD kimi terror təşkilatları Suriyanın yenidən ayağa qalxmasına mane olmağa çalışır. Suriyanın gələcəyini qurmaq və terror qruplarının kökünü kəsmək üçün birgə çalışmaq vacibdir”.
Bundan əvvəl Türkiyə lideri Suriya ilə diplomatik münasibətlərin bərpasından imtina etmək üçün heç bir səbəb görmədiyini bildirib.
Günay
