İsrailin baş naziri Binaymin Netanyahu bəyan edib ki, onun ölkəsinin Rusiya prezidenti Vladimir Putinlə Suriya məsələsi ilə bağlı razılaşması var.

AzVision.az xəbər verir ki, bu barədə Netanyahu "CBS” telekanalına müsahibəsində deyib.

"Putinlə Silahlı Qüvvələri Suriyaya göndərmək barədə qərar verdik, mən onun yanına getdim və dedim: "Bax mən belə edəcəyəm. Mən Suriyaya müdaxilə etməyəcəyəm. Lakin əgər Suriya bizə hücum etsə, əgər İran bizə hücum etmək üçün Suriyadan istifadə etsə, onda biz onları dayandıracağıq” ”, - deyə Netanyahu bəyan edib. 

İsrail baş nazirinin sözlərinə görə, Putin buna razılıqla cavab verib: "Ona görə bizim Silahlı Qüvvələrimiz öz işlərini uzlaşdırır. Çünki heç kim İsrail və Rusiya arasında toqquşmanın baş verməsini istəmir”. 

Netanyahu, həmçinin İsrail və Rusiya arasında dostluq əlaqələrinin mövcud olduğunu xatırladıb.