"Əvvəllər əksinə idi, indi isə əcnəbilər rifahı Azərbaycanda axtarır" - Millət vəkili

“İkisindən biri və ya hər ikisi Azərbaycan Respublikası ərazisində qanunsuz olan əcnəbilər və ya vətəndaşlığı olmayan şəxslər arasında nikahın bağlanmasına yol verilməməsi ilə bağlı layihə mahiyyətdə məhdudulaşdırıcı görünsə də, bu, ölkəmizin gücünü göstərir”.

Sfera.az xəbər verir ki, bunu Milli Məclisin növbədənkənar plenar iclasında deputat Bəhruz Məhərrəmov Azərbaycan Respublikasının Ailə Məcəlləsində dəyişiklik edilməsi haqqında qanun layihəsinin müzakirəsi zamanı deyib.

“Əcnəbilər inkişaf və rifah olan ölkədə yaşamaq istəyir. Bir vaxtlar azərbaycanlılar rifahı başqa yerdə axtarırdı, indi isə əcnəbilər Azərbaycana gəlir. Təbii ki, qapılarımızı heç kimə bağlamırıq. Dünən Yüksəkixtisaslı Miqrant Proqramının təsis edilməsi də bunun sübutudur”.

Firuzə Əliyeva