Həştərxan vilayətində fəaliyyət göstərən logistika qovşağı yüklərin daşınmasını 200 min tona çatdıracaq

Həştərxan vilayətində fəaliyyət göstərən logistika qovşağı yüklərin daşınmasını 200 min tona çatdıracaq

"Rusiyanın Həştərxan vilayətində Azərbaycanın  investisiya qoyuluşu  ilə fəaliyyət göstərən logistika qovşağı yüklərin daşınmasının həcmini ildə 100 min tondan 200 min tona çatdırmağı planlaşdırır."

 

Sfera.az xəbər verir ki,  Azərbaycan  Respublikası İqtisadiyyat Nazirliyinin "Azərbaycan iqtisadiyyatı" adlı teleqram kanalının  məlumatına görə bunu Rusiya Federasiyasının Həştərxan vilayətinin qubernatoru İqor Babuşkin Sankt-Peterburq Beynəlxalq İqtisadi Forumu çərçivəsində keçirilən Rusiya-Azərbaycan biznes dialoqu zamanı deyib.

 

O, qeyd edib ki, qovşağın gömrük və fitosanitar nəzarəti imkanları var ki, bu da kənd təsərrüfatı mallarının daşınması zamanı mühüm əhəmiyyət kəsb edir.

 

Babuşkinin sözlərinə görə, Həştərxan vilayəti həm su, həm də quru ilə yüklərin tranziti üçün imkanlara malikdir. Bölgənin qovşaqları vasitəsilə bir milyon tona qədər yüklərin tranziti mümkündür.

 

Qubernator bildirib ki, regionun liman qurğuları ildə 16 milyon tona qədər yükü qəbul etmək gücündədir. 2013-cü ildə 4,5 milyon ton emal edilib - bu, son 10 ildə ilk dəfə əldə edilən maksimum göstəricidir. 2024-cü ilin yanvar-aprel aylarında ötən ilin müvafiq dövrü ilə müqayisədə 75% artım qeydə alınıb. O, bu sahənin daha da inkişaf etdirilməsinin vacibliyini vurğulayıb.

 

Qeyd  edək  ki, iyunun 8-dək davam  edəcək Peterburq Beynəlxalq İqtisadi Forumu (PBİF) çərçivəsində iki ölkə arasında iqtisadi əməkdaşlığın dərinləşdirilməsi perspektivləri müzakirə olunacaq.

 

Əsas diqqət ticarət və investisiya əlaqələrinin, o cümlədən kənd təsərrüfatı, əczaçılıq, enerji, logistika və bankçılıq sahələrində qarşılıqlı fəaliyyətin genişləndirilməsinə yönəldiləcək.

 

Tədbirdə, həmçinin, "Dubay-Bakı: enerjidən maliyyəyə" panel sessiyasının keçirilməsi gözlənilir. Bu sessiya zamanı BMT-nin İqlim Dəyişikliyi üzrə Çərçivə Konvensiyasının Tərəflər Konfransının 29-cu sessiyası - COP29 müzakirə olunacaq.

 

Xatırladaq ki,  "KDY Logistics" 2017-ci ildə dəmir yolu ilə yük daşımaları üçün keyfiyyətli xidmət təmin etmək məqsədi ilə yaradılıb. 

 

Şirkətin baş ofisi Azərbaycanın paytaxtı Bakıda yerləşir. "KDY Logistics" Azərbaycanda və xaricdə filiallar və birgə müəssisələr tərəfindən təmsil olunur. Rusiyanin Həştərxan vilayətində Kutum stansiyasının ərazisində 60 ha yaxın sahədə  fəaliyyət göstərir. Ərazidə gömrük, fitosanitariya postları, laboratoriya, süd və süd məhsullarının gömrük olunması üçün xüsusi vetraniya postu, quru yüklərin saxnaılması üçün hər ölçüdə anbar, dizbaryer,vaqonların qapalı şəraitdə boşalıb yüklənməsi üçün qapalı dəmir yol dalanları var.


OXŞAR XƏBƏRLƏR

Cinayət törətməkdə şübhəli bilinən 59 nəfər saxlanıldı

Mayın 9-da ölkə ərazisində qeydə alınan 52, əvvəlki dövrlərdən bağlı qalan 10 cinayətin açılması polis əməkdaşları tərəfindən təmin olunub.   Sfera.a...

Ağdaşda bir nəfər kanalda batıb

Ağdaşda bir nəfər kanalda batıb.   Sfera.az xəbər verir ki, bu bardə Fövqəladə Hallar Nazirliyi məlumat yayıb.   Bildirilib ki, Nazirliyin...

Leyla Əliyeva və Arzu Əliyeva Bakıda ağacəkmə aksiyasında iştirak ediblər - FOTOLAR

Heydər Əliyev Fondunun vitse-prezidenti, “IDEA” İctimai Birliyinin təsisçisi və rəhbəri Leyla Əliyeva və Bakı Media Mərkəzinin rəhbəri Arzu Əliyevan...

Metro və avtobuslarla bağlı ŞAD XƏBƏR: Bundan sonra ödənişlər…

Bir sıra ölkələrdə ictimai nəqliyyat vasitələrində rəqəmsal ödəniş sistemlərinin tətbiqi mümkündür. Yəni sərnişinlər əlavə kart və ya vəsait daşımağa ehtiyac ol...

MAMA “Ana təbiət” sərgisinin Romada təqdimatı olub - FOTOLAR

İtaliyanın paytaxtı Romadakı məşhur “MAXXI” XXI Əsrin Milli İncəsənət Muzeyində MAMA “Ana təbiət” beynəlxalq incəsənət sərgisinin təqdim...

Prezident Ağdam Dəmir Yolu və Avtovağzal Kompleksinin açılışında iştirak edib

Sfera.az AZƏRTAC-a istinadən xəbər verir ki, Azərbaycan Respublikasının Prezidenti İlham Əliyev mayın 10-da Ağdam Dəmir Yolu və Avtovağzal Kompleksinin açı...