Bu tələbələr təhsil haqqından azad olunacaq - RƏSMİ

Ödənişli əsaslarla təhsil alan tələbələr Qarabağ Universitetində SABAH qruplarında təhsilhaqqı xərclərindən azad olunacaqlar.

Sfera.az xəbər verir ki, bu barədə Elm və Ali Təhsil üzrə Dövlət Agentliyi məlumat yayıb. 

Bildirilib ki, 2024/2025-ci tədris ilində Qarabağ Universitetinin bakalavriat səviyyəsində SABAH qruplarına tələbə qəbulu aparılacaq ixtisaslar bunlardır:

1. Azərbaycan dili və ədəbiyyatı müəllimliyi;

2. İbtidai sinif müəllimliyi;

3. Riyaziyyat müəllimliyi;

4. Xarici dil müəllimliyi (ingilis dili);

5. Hüquqşünaslıq;

6. Beynəlxalq münasibətlər;

7. Maliyyə;

8. Mühasibat.

Qarabağ Universitetinin SABAH qruplarının üstünlükləri bunlardır:

1. Qarabağ Universitetinin ilk tələbəsi olmaq;

2. Ödənişsiz təhsil;

3. Ödənişsiz yataqxana;

4. Hər bir tələbəyə təqaüd, yüksək bal toplayanlara əlavə təqaüd;

5. Hər bir tələbəyə kompüter;

6. Müasir maddi-texniki bazası olan universitet kampusu;

7. Yeni məzmunlu təhsil proqramları;

8. Peşəkar yerli və əcnəbi professor-müəllim heyəti;

9. Beynəlxalq, yerli ikili diplom və mübadilə proqramları;

10. Elmi-tədqiqat və startap layihələrinin dəstəklənməsi.