Azərbaycanlı məşhurlar Moskvada konsertdə

PrimeTime.Az xəbər verir ki, AMOR-un VII Forumu ötən gün Crocus Sərgi Mərkəzində baş tutub. Forumun sonunda Rusiya və Azərbaycan estrada ulduzlarının iştirakı ilə böyük konsert proqramı təşkil olunub. Konsertdə məşhur müğənni, bəstəkar Emin Ağalarov, xalq artisti Zülfiyyə Xanbabayeva, əməkdar artist Tünzalə Ağayeva, müğənnilər Xəyyam Nisanov, Miri Yusif, Səmra Rəhimli, aparıcılar Hacı Nuran, Afaq Gəncəli, Nərgiz Məmmədova və "Qarabağ" rəqs ansanblı, o cümlədən Rusiyanın məşhur müğənniləri Nyuşa, A-Studio, Emil Kadırov, iştirak edib. Qeyd edək ki, AMOR-un sədri Leyla Əliyevanın qərarı ilə təşkilatın növbəti forumunun keçirilməsi qərara alınıb. Foruma 500-də çox nümayəndə, fəxri qonaqlar, Rusiya və Azərbaycanın rəsmi şəxsləri qatılıb. Bundan başqa forumda AMOR-un Rusiyanın 62 regional bölməsindən olan fəalları, Azərbaycan diasporunun və Rusiyadakı gənclər təşkilatlarının nümayəndələri iştirak edib.