Son 30 ilin ƏN SOYUQ İLİ: Temperatur görün mənfi neçəyə endi
Türkiyədə Şərqi Anadolu bölgəsində müşahidə edilən şiddətli soyuqlar burada həyatı sözün əsl mənasında dondurub.
Publika.az bu ölkənin mətbuatına istinadən xəbər verir ki, Gölə vilayətində temperatur mənfi 32 dərəcəyə enib.
Şiddətli ayaz səbəbindən səhər saatlarında məktəb və işə gedənlər çətin vəziyyətdə qalır. Qar küçə heyvanları və quşları yem tapmaq imkanını məhdudlaşdırıb. Yüksək dağlıq ərazilərdə isə qarın qalınlığı yarım metri keçdiyindən yem tapa bilməyən heyvanlar şəhər mərkəzinə enir.
Gürcüstandan Türk Gözü sərhəddini keçərək Ərdahana gələn tırların işə salınması üçün sürücülər yanacaq çəni altında ocaq qalamaq məcburiyyətində qalıblar. İnsanlar bölgənin rəsmən donduğunu bildirir.
Meteroloqlar yaxın 5 gün ərzində bölgədə yağıntı proqnozlaşdırmır. Lakin temperaturun gün ərzində mənfi 5-8 dərəcə, gecələr isə 20-30 dərəcəyə enəcəyi bildirilir. Qarın qalınlığı bəzi bölgələrdə 30 santimetri keçib.
Qeyd eədk ki, sözügedən bölgə son 30 ilin ən soyuq ilini yaşayır.
