“Louis Vuitton” şousunda qalmaqal: Etirazçılar parka basqın etdilər
Barselonada keçirilən “Louis Vuitton” moda nümayişi gözlənildiyi kimi keçməyib. Etirazçılar moda nümayişləri üçün bağlanan məşhur Qaudi (Park Güell) parkına basqın etməyə cəhd ediblər.
Sfera.az bildirir ki, Barselonanın əsas görməli yerlərindən biri olan məşhur Park Güell “Louis Vuitton” şousu üçün bağlanıb. Lakin yerli sakinlər təşkilatçıları ictimai məkanı özəlləşdirmədə ittiham ediblər. İnsanlar ictimai məkanın ictimaiyyət üçün bağlı olmasından qəzəbləniblər. Polislə toqquşma və parka basqın etməyə cəhd göstərilib.
Nəticədə polis etirazçıları dəyənəklərlə döyüb, sakinlər isə parkı plakatlarla mühasirəyə alıblar. Etirazçılardan biri şiddətli şəkildə döyülüb, həbs edilənlər də var.
Park Güellin özəl tədbirə görə bağlanması ilə yanaşı, moda nümayişi zamanı parkda məşhur ispan memar və arxitetkoru Qaudinin əsərlərinin zədələnməsi də Barselona sakinlərini qəzəbləndirib.
Şiddətli etirazla yanaşı, daha dinc aksiya da keçirilib. Etirazçılar yoldan keçənlərin alqışları altında parodiya nümayişi təşkil ediblər.
Qeyd edək ki, “Louis Vuitton” tədbirinin özü dəbdəbəli moda brendi tərəfindən təşkil edilən çoxsaylı tədbirlərdən biridir. Tədbirdə iştirak edənlər arasında “LVMH”nin sahibi və baş icraçı direktoru Bernard Arnault da olub. O, bu il “Forbes”ə görə 206 milyard dollar sərvəti ilə dünyanın ən varlı adamı olaraq yerini qoruyub saxlayır.
Xatırladaq ki, Park Güell 1914-cü ildə, Kataloniya sahibkarı Eusebi Güel tərəfindən əsası qoyulub. Təxminən 14 il sonra isə park inşa edilmişdir.
1926-cı ildən bəri park bələdiyyə parkı kimi tanınır və parkda məşhur memar Qaudinin Ev Muzeyi də var. Qeyd edək ki, həm Güell, həm də Qaudi hər ikisi yerli mədəniyyətin mühüm simaları kimi tanınır.
1984-cü ildə park “YUNESKO”nun Ümumdünya İrsi Saytı elan edilib.
Onu da nəzərinizə çatdıraq ki, Barselonada 1882-ci ildən tikilməkdə olan Qaudi adına məşhur kilsə 2026-cı ildə tamamlana bilər.
Aysel
Sfera.az
