Maradonaya məxsus "Qızıl top" hərracda satılmayacaq? - Ailəsi məhkəməyə MÜRACİƏT ETDİ
Əfsanəvi argentinalı futbolçu Dieqo Maradonanın ailəsi 1986-cı il dünya çempionatından sonra ona verilən “Qızıl top” kubokunun hərracda satılmasının qarşısını almaq üçün Fransada məhkəməyə müraciət ediblər.
Sfera.az xəbər verir ki, turnirin ən yaxşı oyunçusuna verilən mükafatı Fransanın paytaxtı Parisdə bir antikvar satıcısı tapıb. Bundan əvvəl kubok on illər ərzində itmiş hesab olunurdu.
Kubokun iyunun 6-da Paris yaxınlığındakı Neuilly-sur-Seine şəhərində Aguttes Hərrac Evi tərəfindən hərraca çıxarılması planlaşdırılır.
2020-ci ildə 60 yaşında ürək çatışmazlığından vəfat edən Maradonanın vəkilləri milyonlarla avroya satılacağı ehtimal olunan bu kubokun onun beş varisinə məxsus olduğunu iddia edirlər.
Qeyd edək ki, məhkəmə satışın olub-olmayacağına qərarı mayın 30-da verəcək.
İnci
