Cəlilabadda ayağında şiş yaranan 31 yaşlı kişi xəstəxanada ÖLDÜ
Cəlilabad Rayon Mərkəzi Xəstəxanasında ölüm hadisəsi baş verib.
Sfera.az-ın report-a istinadən məlumatına görə, rayon sakini, 1993-cü il təvəllüdlü Nuriyev Vahid Sübhan oğludur.
Onun yaxınlarının sözlərinə görə, V.Nuriyev ayağında şiş yarandığı üçün xəstəxanaya müraciət edib. Xəstəxanada ona sistem köçürülüb. Sistemdən sonra şoka düşüb və ölüb.
Hadisə ilə bağlı Cəlilabad Rayon Mərkəzi Xəstəxanasından "Report"a bildirilib ki, sözügedən şəxs bu gün xəstəxanaya müraciət edib.
"Xəstəyə ilkin tibbi yardım göstərilən zaman onun halı pisləşib. Daha sonra o, reanimasiya şöbəsinə yerləşdirilib. Lakin aparılan reanimasion tədbirlərə baxmayaraq, xəstə vəfat edib", - xəstəxanadan bildirilib.
Qeyd edək ki, mərhum iki uşaq atasıdır.
Faktla bağlı araşdırma aparılır.
