Dövlət çevrilişi planlaşdıran qruplaşma üzvlərinin məhkəməsi başladı

Almaniyada dövlət çevrilişi planlaşdıran qruplaşmanın məhkəməsi başlayıb. Qruplaşmaya Kalaşnikov avtomatı ilə ölkədə hökumət üzvlərini güllələmək istəyən 71 yaşlı alman aristokratı rəhbərlik edib.

Sfera.az bildirir ki, 2022-ci ilin dekabrında Almaniyada ölkə tarixində ən böyük antiterror əməliyyatı həyata keçirilib. Hüquq-mühafizə orqanları sağçı "Reyx vətəndaşları" (Reyxsbürger) qrupunu yaradan 71 yaşlı aristokrat Heinrich von Reissin başçılıq etdiyi qruplaşmanı ifşa ediblər. “Reyxsbürger” Almaniya Federativ Respublikasının mövcudluğunun legitimliyini tanımayan millətçi hərəkatdır. Hərəkatın məqsədi respublika quruluşunu devirmək, aparıcı siyasətçiləri həbs etmək və monarxiyanı bərpa etmək olub.

Sui-qəsdçilərin məqsədi Bundestaqa soxulmaq, deputatları və nazirləri həbs etmək olub.

Mövcud hakimiyyətin “yuxarı təbəqəsini təmizləmək” və monarxiya prinsipləri əsasında yeni dövlət aparatı yaratmaq niyyətində olan ekstremistlərin bəziləri sosial və ya maliyyə sferasında nüfuzlu vəzifələr tutmuşlar, xüsusən də onların arasında keçmiş işçilər də var. Heinrich von Reiss Bundestaqın keçmiş üzvü olub.

Mayın 20-də Frankfurt-Mayndə sui-qəsdçilərin məhkəməsi başlayıb. Məhkəmə prosesində məlum olub ki, hücumun hazırlanması zamanı Haynrix fon Reiss Rusiyanın “Gecə qurdları” qruplaşması ilə əlaqə yaratmaq arzusunda da olub.

Sui-qəsdçilər arasında keçmiş hakim və Bundestaqın üzvü Birgit Malzak-Vinkeman da var.

Aysel

Sfera.az