Azərbaycanın ən böyük heyvandarlıq rayonları hansılardır? - ADLAR
2024-cü ilin aprelin 1-nə olan məlumata əsasən, Azərbaycanda 2,513 milyon baş iribuynuzlu mal-qara, 7,21 milyon baş qoyun və keçi var.
Sfera.az Dövlət Statistika Komitəsinə istinadən xəbər verir ki, ölkəmizdə ən çox iribuynuzlu mal-qara saxlanılan rayonlar Qarabağ, Aran və cənub regionlarında yerləşir.
Daha çox iribuynuzlu mal-qara Sabirabad rayonu (124,5 min baş), Bərdə rayonu (103,7 min baş), İmişli rayonu (96 min baş) və Cəlilabad rayonuda (91 min baş) saxlanılır.
Azərbaycanda böyük heyvan bazarları ilə məşhur olan Beyləqan rayonunda saxlanılan iribuynuzlu heyvan sayı adıçəkilən rayonlarla müqayisədə xeyli azdır. Beyləqanda 60,5 min baş iribuynuzlu heyvan var.
Qoyun və keçi sayına görə Beyləqan (292,5 min), Şəmkir (289 min), İmişli (253 min), Quba (244 min), Sabirabad (240,4 min), Gədəbəy (207 min) rayonları digərlərindən öndədir. Yuxarıda adıçəkilən və daha çox iribuynuzlu heyvanların saxlanıldığı rayonlarda da bəslənən qoyun və keçilərin sayı çoxdur. Həmin rayonların hər birində 100 min başdan çox qoyun və keçi saxlanılır.
Region olaraq götürdükdə isə qərb bölgəsində (953,6 min), Mil-Muğan bölgəsində (903 min) qoyun və keçi saxlanılır.
Ümumiləşdirdikdə görürük ki, Azərbaycanın ən böyük heyvandarlıq rayonları Sabirabad, İmişli, Beyləqan, Bərdə və Şəmkir rayonlarıdır.
Vasif
