51 yaşlı qadını döyüb telefonunu əlindən aldı - FOTO 

Sumqayıtda 51 yaşlı qadın döyülərək quldurluğun qurbanı olub.

Bu barədə Sfera.az-a Daxili İşlər Nazirliyindən məlumat verilib. Bildirilib ki, hadisə mayın 15-i saat 14 radələrində Sumqayıt şəhərinin ərazisində baş verib.

“Naməlum şəxs Sumqayıt şəhər sakini olan 51 yaşlı qadını döyərək quldurluq etməklə onun mobil telefonunu alıb. Hadisədən sonra zərərçəkən Sumqayıt Şəhər Polis İdarəsinin 4-cü Polis Bölməsinə müraciət edib. Keçirilən tədbirlərlə hadisəni törətmiş Sumqayıt şəhər sakini əvvəllər məhkum olunmuş 1986-cı il təvəlüldlü İlqar Şirinov saxlanılıb”.

Qurum araşdırmaların davam etdirildiyini vurğulayıb.

“Onun əməllərindən zərərçəkən başqa şəxslər varsa bu barədə polis orqanlarına məlumat verə bilərlər”, - əlavə olunub.

Günay