Sankt-Peterburq Hərbi Akademiyasının ərazisində partlayış oldu
Rusiyanın Sankt-Peterburq şəhərində Budyonnı adına Hərbi Rabitə Akademiyasının ərazisində partlayış səsi eşidilib. Müvafiq xidmətlər hadisə yerinə gedib.
Sfera.az xəbər verir ki,Rusiyalı jurnalistlər əvvəlcə Sankt-Peterburqdakı təhsil müəssisəsinin pilotsuz təyyarə ilə hücuma məruz qaldığını güman etsə də, yerli hakimiyyət bu versiyanı təkzib edib. Ümumilikdə 7 nəfər yaralanıb.
Hadisənin pilotsuz təyyarənin hücumu nəticəsində baş verdiyini heç kim rəsmi olaraq təsdiqləməyib. Yaralananlardan birinin vəziyyəti ağır olduğundan təcili reanimasiyaya yerləşdirilib.
Sankt-Peterburq qubernatoru Aleksandr Beqlov özünün Telegram kanalında jurnalistləri çaxnaşma yarada biləcək və ya zərər verə biləcək məlumatları yerləşdirməməyə çağırıb.
"Budyonnıy Rabitə Akademiyasında baş verən insident Müdafiə Nazirliyinin məsuliyyətinə daxildir və terror xarakteri daşımır, zərərçəkənlərə yardım göstərilir” - deyə məlumatda bildirilir.
Hərbi Dairənin mətbuat xidmətindən, İkinci Dünya Müharibəsindən qalan sursatların özbaşına partlaması baş verdiyi bildirilib. Hadisə zirzəmilərdən birinin təmizlənməsi zamanı baş verib. Rusiya hakimiyyəti partlayışın zibil konteynerinə boşaldarkən baş verdiyini bildirib.
Aynil
Sfera.az
