Ömrümüzün uzunluğu təxminən 5 il artacaq

Araşdırmalara görə, qlobal ömür uzunluğu 2050-ci ilə qədər təxminən 5 il - 2022-ci ildəki 73,6 yaşdan 2050-ci ildə 78,2 yaşa qədər artacaq.


Sfera.az xarici mediaya istinadən xəbər verir ki, 2050-ci ilə qədər qadınlar üçün gözlənilən ömür uzunluğu 4,3 il artaraq 80,5 yaşa, kişilər üçün isə 4,9 il artaraq 76 yaşa çatmalıdır. Araşdırmanın müəlliflərinin fikrincə, hazırda nisbətən aşağı göstəricilərin müşahidə olunduğu regionlarda gözlənilən ömür uzunluğu daha sürətlə artacaq.
 

Tədqiqatçılar qeyd edirlər ki, gözlənilən ömür uzunluğunun davamlı artması ictimai səhiyyə tədbirləri ilə bağlıdır.
 

Bununla belə, nəşrdə vurğulanır ki, qeyri-infeksion xəstəliklər, xüsusən onkologiya və diabet parametrlərin artmasına mane ola bilər.

İnci