13 ölkə İsrael Katsa məktub göndərdi

13 ölkə İsrailin xarici işlər naziri İsrael Katsa məktub göndərib.

Sfera.az xəbər verir ki, məktubda Avstraliya, Almaniya, Fransa, Böyük Britaniya, Kanada, Yaponiya və bəzi digər dövlətlərin xarici işlər nazirləri İsrailin Qəzza zolağının Rəfah şəhərində genişmiqyaslı hərbi əməliyyat keçirməsinə qarşı çıxıblar.

“Frans Press” agentliyinin sitat gətirdiyi məktubda qeyd edilib ki, Rəfahda genişmiqyaslı hərbi əməliyyat “mülki əhali üçün fəlakətli nəticələrə səbəb olacaq”.
 

Xarici işlər nazirləri İsraili bütün sərhəd keçid məntəqələri (o cümlədən Rəfah) vasitəsilə Qəzza zolağına humanitar yardımın çatdırılmasını təmin etməyə, həmçinin su, elektrik enerjisi və telekommunikasiya təchizatını bərpa etməyə çağırıblar. Qeyd edək ki, bir gün əvvəl İsrail Müdafiə Nazirliyinin rəhbəri Yoav Qalant İsrail Müdafiə Qüvvələrinin (IDF) əlavə qüvvələrini Rəfaha daxil etmək planlarını açıqlayıb.

İnci