16 qadın Devid Kopperfildi təcavüzdə ittiham etdi
Məşhur amerikalı illüziyaçı və hipnozçu Devid Kopperfild uzun illər ərzində 16 qadın tərəfindən cinsi qısnama və qeyri-münasib davranışda ittiham olunub.
Sfera.az bildirir ki, qadınlardan bəziləri həmin vaxt yeniyetmə olduqlarını bildiriblər.
İllüziyaçı Devid Kopperfild hər şeyi inkar edir. Onun vəkilləri iddiaların tamamilə yalan olduğunu bildirirlər. ABŞ-ın araşdırmasına görə, iddiaların yarısından çoxu hadisələr zamanı 18 yaşından kiçik olduqlarını deyən qadınlardan gəlib. Bir neçə qadın təvavüzə məruz qalarkən, cəmi 15 yaşında olduğunu bildirib. Zərərçəkmişlərdən üçü iddia edir ki, Koperfild cinsi əlaqədə olmamışdan əvvəl onlara narkotik maddə verib. Qadınlar adekvat olsalar, bununla razı olmayacaqlarını bildiriblər.
67 yaşlı illüziyaçıya qarşı iddialar 1980-ci illərin sonundan 2014-cü ilə qədər olan dövrə aiddir. İstintaq 100-dən çox insanla müsahibə və polis hesabatlarının nəzərdən keçirilməsini əhatə edir. Həmin vaxt Kopperfild artıq dünyanın ən tanınmış məşhurlarından biri olub.
Qadınlar jurnalistlərə yalnız #MeToo hərəkatından sonra sehrbazla münasibətləri haqqında hekayələrini danışmağa cəsarət topladıqlarını bildiriblər. Kopperfield özü hər hansı ittihamları rədd edir. Məşhurun vəkilləri müvəkkilinin heç vaxt ittiham olunmadığını və sehrbazın qadınlara nalayiq şəkildə toxunmasının nəinki tamamilə yalan, həm də tamamilə ağlasığmaz olduğunu iddia edir:
“O, heç vaxt azyaşlıları bir yana qoyaq, heç kimə qarşı nalayiq hərəkət etməyib”.
Araşdırmanın dərcindən sonra sənətçinin nümayəndələri:
"Devid Kopperfildi tanıyan hər kəs sizi əmin edə bilər ki, qəzetdə çıxan bu iddialar Devidin olduğunun tam əksidir. Əslində Devid kömək etmək üçün karyerasını riskə atıb. Qadınların vəhşi yırtıcılardan qorunmasını təmin etmişdir."
Aynil
Sfera.az
