Azərbaycan avtomobil alışına neçə milyon dollar xərcləyib? – SON RƏQƏMLƏR

Azərbaycan bu ilin 4 ayında xaricdən aldığı avtomobillərə görə 502,6 milyon dollar xərcləyib.  

Sfera.az rəsmi məlumatlara istinadən xəbər verir ki, bu qədər vəsaitlə 27 838 ədəd avtomobil alınıb. İdxal edilən avtomobilərin birinə isə orta hesabla 18 050 dollar pul ödənilib. 

Qeyd edək ki, bu qiymətlərə gömrükdə ödənilən rüsum və vergilər daxil deyil. İdxal edilən avtomobillərə çəkilən xərcin 205 milyon dolları (40,8 faizi) hibrid və elektrik avtomobillərin alınmasına sərf edilib.

Ötən illə müqayisədə idxal edilən avtomobillərin sayı azalsa da, idxala çəkilən xərc artıb. Bunun səbəbi məhz hibrid və elektrik avtomobil idxalının artması ilə bağlıdır. 
Mövcud qaydalara əsasən, istehsal tarixindən 0-3 il keçən hibrid və elektrik avtomobillərinin idxalına güzəştlər tətbiq edilir. Xüsusən elektrik avtomobillərinə verilən güzəştlər çox sərfəlidir. Təzə elektrik avtomobili alan şəxslər vergi və rüsumlardan azaddırlar. Bu güzəştlərə görə idxal olunan yeni elektrik və hibrid avtomobillərin sayı artır ki, bu da idxal xərclərini yüksəldir. 

Vasif