3 polis öldürüldü, narkobaron qaçırıldı - FOTO
Fransanın şimalında səs-küylü insident baş verib.
Sfera.az xəbər verir ki, silahlı şəxslər məşhur narkotik alverçisi, "Milçək" ləqəbli Məhəmməd Əmrini daşıyan mikroavtobusa hücum ediblər. Maskalı hücumçular üç mühafizəçini öldürüb, üç nəfəri yaralayıb.
Hücum Fransa vaxtı ilə saat 11:00 radələrində pullu yol ödəniş məntəqəsinin yaxınlığında baş verib. Məhkum Rouen şəhərindən furqonlu mikroavtobusla aparılan zaman atışma baş verib. Hücum edənləri avtobusun yanından keçən sərnişinlər lentə alıblar.
Hücum edənlər “Audi” və “BMW” markalı avtomobillərdə olublar. Fransanın ədliyyə naziri Erik Dupont-Moretti üç mühafizəçinin öldürülüb, üç nəfərin isə ağır yaralandığını bildirib.
Atışmadan sonra silahlı şəxslər məhbus qaçıra biliblər. Hal-hazırda axtarış davam edir. Onların axtarışına 200-ə yaxın polis cəlb olunub. Hücum edənlərdən birinin yaralandığı da bildirilir. Maraqlıdır, amma “Milçəyin” nəqliyyat marşrutunu heç kim bilməyib. Hücum edənlərin qaçdığı ağ rəngli “Audi A5” qonşu şəhərdə yanar halda tapılıb.
Yerli polis mənbəsinin məlumatında:
"Atışma İnkarvildə ödəniş məntəqəsində baş verib. Kalaşnikovlardan istifadə olunduğu güman edilir" - bildirilir.
Qaçan “Milçək” ləqəbli məhbus, 30 yaşlı narkotik satıcısı Məhəmməd Əmra yerli “məşhur”dur. Keçən həftə o, Normandiyanın Evreux ətrafında yerləşən supermarket və mağazalardan silsilə oğurluqlara görə 18 ay həbs cəzasına məhkum edilib. O, həmçinin Saint-Etienne-du-Rouvray şəhərində adam öldürməyə cəhddə və 2022-ci ilin iyununda Marseldə qəsdən adam öldürmə maddəsi ilə ittiham olunur.
Məhəmmədin hadisədən iki gün əvvəl də kameradan qaçmağa çalışdığı bildirilir. O, karserə salınıb və nəzarət səviyyəsi artırılıb.
Aysel
Sfera.az
