Putinin Çinə səfər tarixi AÇIQLANDI

Rusiya Prezidenti Vladimir Putin mayın 16-17-də Çinə səfər edəcək.

Sfera.az bildirir ki, bu barədə Kremldən məlumat verilib.

Qeyd olunub ki, səfər Çin sədri Si Cinpinin dəvəti ilə baş tutur. Bildirilib ki, iki dövlətin liderləri hərtərəfli tərəfdaşlıq məsələlərinin bütün spektrini ətraflı müzakirə edəcəklər.

Daha əvvəl Rusiya Prezidentinin mətbuat katibi Dmitri Peskov qeyd edib ki, Prezident Putinin Çinə səfəri zamanı liderlər arasında danışıqların gündəliyində beynəlxalq və regional təhlükəsizlik məsələləri olacaq.

O, həmçinin bildirib ki, Putinlə Si Cinpin arasında istənilən təmas dünya ictimaiyyətinin diqqətini cəlb edir.

Günay