"Qərbin istədiyi kimi olsun!" - Lavrovdan kritik Ukrayna AÇIQLAMASI

“Əgər Qərb Ukraynadakı münaqişəni döyüş meydanında həll etmək istəyirlərsə, qoy döyüş meydanında olsun”.

Sfera.az Rusiya mətbuatına istinadən xəbər verir ki, bunu Rusiya xarici işlər naziri postuna namizəd Sergey Lavrov Federasiya Şurasının komitə iclasında deyib.

O, Rusiyanın təkcə sözdə deyil, həm də əməldə sülh danışıqlarına hazır olduğunu bir daha vurğulayıb.

Lavrovun sözlərinə görə, İstanbul danışıqları Rusiyanın Qərbin keçmişdə çoxsaylı hiylələrinə baxmayaraq, inamı genişləndirmək və xoş niyyət nümayiş etdirmək cəhdi olub. 

“Və bizi yenidən aldatdılar, ona görə də bizi döyüşə getməyə məcbur etdilər”, - o, yekunlaşdırıb.

Firuzə Əliyeva