Artan boşanmaların qarşısını necə almaq olar? - AÇIQLAMA

"Azərbaycanda boşanmaların sayı 50 faizə yaxınlaşıb və bu dəhşətli, faciəvi və qorxunc göstərici ilə öıləmiz dünyada ön yerlərdə qərarlaşıb".

Sfera.az xəbər verir ki, bu barədə fikirləri sosioloq Elçin Bayramlı bildirib.

“Vaxtilə dünyanın ən möhkəm ailə institutuna malik olan bir xalq indi boşanma siyahısında ön sıralarda dayanır. Ailələr o qədər sürətlə dağılır ki, ailə qurmağın mənası belə qalmır. Bunun yeganə səbəbi isə mənəvi deqradasiyadır. Əxlaqsızlığın yayılması, şüurun, insanların müasirlik adı altında dəyişməsi də bu sayın artmasında önəmli rol oynayır. Qərbə inteqrasiya adı altında şou verlişlərdə, seriallarda davamlı olaraq psixotron “terror” elementləri gənclərin beyninə yeridilib. Belə şəraitdə heç bir sağlam ailədən söhbət belə gedə bilməz”.

Sosioloq qeyd edib ki, bu problemin həll olunması əvəzinə, daha da dərinləşməsi üçün əlimizdən gələn hər şeyi edirik:

“Artıq boşanmaların qarşısını almağın yeganə yolu kimi evlənməmək qalıb. Bugünkü gənclərin təfəkkürü açıq şəkildə ortadadır. Hər şey göz qabağındadır. İnsanların təfəkkürü, psixologiyası tamam dəyişib. Bunu bərpa etmək üçün bizə uzun müddət lazımdır”.

Ülkər Abdurahmanlı