Alimlər fillərin jest və səslərinin dilini deşifrə ediblər

Vyana və Portsmut Universitetlərinin beynəlxalq alimlər qrupu Zimbabvedəki Yafuta Təbiət Qoruğunun əməkdaşlarının iştirakı ilə fillərin jest və səslərinin dilini deşifrə edib.
 

Sfera.az xəbər verir ki, bu barədə tədqiqat "Communications Biology" (CommsBio) elmi jurnalında dərc olunub.
 

Əvvəlki araşdırmalar fillərin çox ağıllı və delfinlərə yaxın olduğunu göstərmişdi. Onlar da mürəkkəb matriarxal sosial strukturlara malikdirlər. Bu yeni işdə komanda fillərin bir-biri ilə əvvəllər müşahidə olunmayan ünsiyyət üsullarının olub-olmadığını araşdırıb..
 

Zimbabveyə ekspedisiya zamanı alimlər fillərin qarşılaşmalar zamanı etdikləri 1014 fiziki hərəkət və 268 səsi qeydə alıblar.
 

Məlum olub ki, heyvanlar bir-birlərini salamlamağa böyük əhəmiyyət verirlər. Heyvanlar qohumları ilə salamlaşarkən gövdələrini xüsusi tərzdə silkələyir, qulaqlarını çırpıb müəyyən səslər çıxarırlar. Bundan əlavə, bəzən sidik ifraz edir, defekasiya edir və qoxulu maddələri xaric edirlər.
 

Mütəxəssislərin fikrincə, görüşlər zamanı fillərin jestləri, səsləri və hərəkətləri mürəkkəb ünsiyyət və məlumat ötürülməsi sistemini təşkil edir.


İnci
Sfera.az