“Türkiyə İsraillə bütün ticari əlaqələri dayandırıb” - AÇIQLAMA
Türkiyə İsraillə bütün ticari əlaqələri dayandırdığını bəyan edib.
Sfera.az xəbər verir ki, bunu iqtisadçı ekspert Eldəniz Əmirov bildirib.
“İsrail 2023-cü ildə 5,4 milyard dollarlıq ticarət həcmi ilə Türkiyənin ixracat siyahısında 13-cü yerdədir. Bununla belə, 2023-cü ildə İsrailə ixrac əvvəlki illə müqayisədə təxminən 23 faiz azalıb. 2024-cü ilin birinci rübündə isə Türkiyənin İsrailə ixracatı 21,6 faiz azalıb”.
Ekspert qeyd edib ki, ümumiyyətlə Türkiyə-İsrail ticarət həcmi son 20 ildə 6 dəfə artıb.
"Hətta Qəzzada əməliyyatların başladığı oktyabr ayında ixrac özündən əvvəlki ilin eyni ayına görə 29 faiz artıb, idxal isə yüzdə 59 faiz azalıb. 2000-2022-ci illər arasında iki ölkə arasında ticarət balansı həmişə Türkiyənin xeyrinə olub. Türkiyə ticari münasibətlərdə israildən daha çox mənfəət əldə edirdi. Odur ki, rəsmi Ankaranın bu qərarı İsraillə müqayisədə Türkiyə iqtisadiyyatının özünə daha pis təsir edəcək”.
Ülkər Abdurahmanlı
