Uelsin Pembrokeshire bölgəsindəki Sahil Mühafizəçiləri bəyanat yayaraq, çimərlikdən istifadə edən insanları diqqətli olmağa çağırıb. Belə ki, 1950-ci illərdən bəri sahilə çıxan obyektlər hələ də insanlar üçün təhlükə yaratmağa davam edir. 

Sfera.az bildirir ki, İkinci Dünya Müharibəsinin təhlükəli qalıqları Uels çimərliyində yenidən peyda olub. Yerli sakinlərə öz təhlükəsizlikləri naminə sahildən uzaq durmaq tövsiyə olunur.

1950-ci illərdə sahilə çırpıldıqdan sonra qumda basdırılan əşyalar yenidən peyda olub.

Çimərlikdən istifadə edən insanlara əşyaların ətrafında diqqətli olmaları üçün xəbərdarlıq edilib.

"Son günlərdə baş verən yüksək hərəkətlilik İkinci Dünya Müharibəsindən qalan üç dəniz minasını üzə çıxarıb. Onlar ilkin olaraq 1950-ci illərdə sahilə çıxarılıb, təmizlənib və sonunda quma basdırılmaq üçün sahildə qalıb. Biz onları çıxarmırıq, çünki tarixi maraq doğururlar, lakin Sizdən xahiş edirik ki, iti ola biləcəyi üçün üzərlərinə ayaq basmayasınız”- deyə məlumatda bildirilir.

Qeyd edək ki, İkinci Dünya Müharibəsi minaları tez-tez məşhur çimərliklərdə görünür. 

Bəzən su və qum səviyyəsi aşağı düşəndə ​​dəniz minaları üzə çıxır.

Hər üç mina 1980-ci illərdə və 2013-cü ildə yerli sakin tərəfindən aşkar edilərək, səlahiyyətli orqanlara xəbər verilib. 2021-ci ilin iyul ayında üç bombadan ikisi yenidən kəşf edilib və fotoqrammetrik tədqiqatlar vasitəsilə qeydə alınıb. 2022-ci il yanvarın əvvəlində hər üç mina yenidən üzə çıxıb.

Aysel

Sfera.az