"Olimpiada qaliblərimiz dünyanın prestijli universitetlərinə qəbul olurlar" - Emin Əmrullayev

"2014-cü ildən etibarən təhsildə yeni sistem tətbiq olunur, artıq bu bir mexanizm formatına gəlib çıxıb".

Sfera.az xəbər verir ki, bunu elm və təhsil naziri Emin Əmrullayev bu gün keçirilən "Sabahın alimləri" XIII Respublika Müsabiqəsinin rəsmi açılış mərasimində çıxışı zamanı deyib.

"Əvvəl yarışların şəffaf keçirilməsi üçün çalışılırdısa, artıq buna ehtiyacımız yoxdur, çünki hamısı şəffaflıqla keçirilir. 80-90 faiz hallarda olimpiada qaliblərimiz dünyanın bir çox prestijli universitetlərinə qəbul olurlar, ötən il bu, 41 nəfər idi və hər il rəqəm artır". 

Nazir bildirib ki, ümumilikdə bu istiqamətdə iş lisey və gimnaziyaların corğafiyasını artırmaqdır:

"Hər zaman yüksək nəticə göstərənlərin olduğu Sumqayıtla yanaşı, Gəncə, Quba kimi digər bölgələrdə də yüksək nəticə göstərənlər kifayət qədərdir. Bu baxımdan hər bölgədə heç olmasa 2-3 belə lisey və gimnaziyanın yaradılmasını nəzərdə tuturuq".

Firuzə Əliyeva

Fotolar: Anar Bayramlı