Kloppun yerinə daha bir namizəd seçildi - FOTO
Almaniyanın “Bavariya” klubunun sabiq baş məşqçisi Niko Kovaç İngiltərə “Liverpul”una rəhbərlik edə bilər.
Sfera.az bildirir ki, 52 yaşlı xorvatiyalının Yurgen Kloppun yerinə namizədliyi gözlənilmədən yaranıb. Qeyd edək ki, Kovaçın son iş yeri Almaniyanın "Volfsburq" klubu olub və martın ortalarında işdən çıxarılıb.
O, bundan əvvəl "Bavariya" və "Monako"ya rəhbərlik edib.
Xatırladaq ki, Yurgen Klopp bu mövsümün sonunda "Liverpul"un baş məşqçi postunu tərk edəcək. O, 2015-ci il oktyabrın 8-dən "Liverpul"a rəhbərlik edir. Bu müddət ərzində 56 yaşlı mütəxəssis "qırmızılar"ın heyətində 7 kubok qazanıb. Yurgenin rəhbərliyi altında "Liverpul" Çempionlar Liqası, Premyer Liqa, Liqa Kuboku, İngiltərə Kuboku, UEFA Super Kuboku və Klublararası Dünya Çempionatının qalibi olub.
Fatimə Lətif
