Devid Bekhemin şirkəti məhkəmədə qalib gəldi

Məşhur futbolçu Devid Bekhem onun markasının loqosu altında gizli şəkildə saxta məhsullar sataraq külli miqdarda qazanc əldə edən fırıldaqçılarla hüquqi müstəvidə mübarizəyə başlayıb.

Sfera.az bildirir ki, Devid Bekhem internetdə onun “DB Ventures” brendinin saxta məhsullarını satan fırıldaqçıları məhkəməyə verib. Ulduz 240 milyon funt sterlinq (11 milyon 604 milyon UAH - red.) dəyərində təzminat alıb. 

Geyim, ətir və aksesuarlar istehsal edən “DB Ventures” şirkəti öz brendi üçün təhlükə görüb. Məhkəmə çoxsaylı müzakirələrdən sonra satışa qadağa qoyub və fırıldaqçıların aktivlərini dondurub.

"Onların satışı “DBV” üçün əsl təhlükə yaradır və biznesin davamlılığına təsir göstərir. Bu, həm də istəmədən onları alan şəxslərə və şirkətlərə də təsir edir"-deyə şirkət iddiasında bildirib.

Məhkəmədə fırıldaqçılara satışı dayandırmaq və bütün mənfəətlərdən imtina etmək əmri verilib. Şirkətin vəkili fırıldaqçıların məhsul reklamlarında yerləşdirdikləri naməlum və yanlış ünvanlar, telefon nömrələri səbəbindən hüquq-mühafizə orqanlarının onları izləməkdə çətinlik çəkdiklərini bildirib. 

“DB Ventures” əsasən Asiyada olan 150 onlayn satıcının hər birindən 1,6 milyon funt-sterlinqə qədər təzminat tələb edib. Şirkət saxta məhsulların onlayn satışından xeyli qazanc əldə edib.

Aynil

Sfera.az