Çin defilyasiyaya gedir – idxal malları UCUZLAŞA BİLƏR

Çinin Milli Statistika Bürosu (UIB) 2024-cü ilin mart ayında qiymət artımları ilə bağlı məlumatı açıqlayıb. 

Sfera.az UIB-in məlumatlarına istinadən xəbər verir ki, ölkədə illik inflyasiya 0,1 faizə geriləyib, istehsalçı qiymətləri isə 2,8 azalıb. 

Mart ayında qiymətlərdəki durğunluq və istehsalçı qiymətlərində davam edən azalma ilə deflyasiya meyli davam edib. Proqnozlara görə vəziyyət dəyişməsə Çində növbəti aylarda illik inflyasiyanı defilyasiya əvəz edəcək. 

Çində fevralda qiymətlər 0,7 faiz artdığı halda martda bahalaşmanın 0,1 faiz olması da bunun əlamətidir. 

Ölkədə qiymət artımlarının zəifləməsinin başlıca səbəbi istehsalçı qiymət indeksinin mənfi mərhələyə keşməsidir. Çində 17 aydır ki, istehsalçı qiymətlərində eniş müşahidə edilir. 

Qeyd edək ki, istehsalçı qiymətlər dedikdə müəssisələrin təklif etdiyi qiymətlər nəzərdə tutulur. Analitiklər hesab edir ki, müəssisələrdə qiymətlərin aşağı düşməsinin səbəbi “qalıq istehsal gücü” ilə bağlıdır. 

Çində qiymətlərin ucuzlaşması Azərbaycanda da qeyri-istehlak mallarının dəyərinin azalmasına səbəb ola bilər. Çünki Azərbaycan idxal etdiyi sənaye məhsullarının önəmli hissəsini Çindən alır.

Vasif